Fitness - 腹肌是怎樣練成的?
H = HIM ; M = Marc F. (Model)
H：嘩，你都好大隻喎！
M：係呀，靠個身體食飯，練大隻不可少，你喜歡嗎？
H：我對你完全無興趣，淨係想知你點練腹肌。
M：哦，No problem，其實人人都有腹肌的，只是給個肚遮住罷了。
H：我都知，我成日同其他人講我有一大塊腹肌。你係咪成日都要做Sit-up？
M：除了Sit-up之外，我會做另一種運動，叫做Bicycle Crunch。你上Youtube可以找到點做。學識之後日日做，就會有成果。但有一點很重要，就是身體脂肪率要很低，不能過15%，那麼腹肌先可以突出來。而且，不能夠只瘦你的肚子，那是不會給你帶來腹肌的。
H：即係話要全身的脂肪都要減？
M：就是這個意思了。你也好難成身的脂肪都唔減，凈係減個肚的脂肪吧？
H：說得有道理，那你如何將脂肪率降低？
M：那是要很精準地控制飲食，和多做運動的成果。練得咁辛苦，你要不要摸一下我的腹肌？很硬的。
H：不用，謝謝你，原本想問你腹肌咁勁，追女仔會否容易點，現在不用問了，係咁，我走先，Bye！
